miércoles, 17 de enero de 2018

ESCORNABOTS NA BIBLIOTECA ESCOLAR

Queremos darvos unha nova! 

Durante este curso, algúns membros do claustro de mestres estanse a formar no proxecto do PLAMBE "Escornabots na biblioteca escolar 2017/2018".

Os escornabots son uns robots que nos axudarán a traballar diversos contidos cos nenos e nenas dunha forma lúdica, motivadora e creativa, ademais de achegalos ao mundo da robótica.

Aquí vos deixamos unha mostra das primeiras sesións de formación nas que as mestras estivemos a montar estes "escornabots".

Próximamente comezaremos a experimentar cos rapaces e rapazas nas aulas, e poderedes compartir con nós esta aventura a través deste blog.

COMEZAMOS !!!!





viernes, 12 de enero de 2018

COMEZAMOS UN NOVO TRIMESTRE!

      O comezo do novo trimestre ven cargado de proxectos, novas e ilusións.

     Celebraremos o día da Paz, o Entroido, o día da Poesía, o día da muller traballadora e o día de Rosalía, e seguiremos a desenvolver e a investigar sobre o noso proxecto integral da biblioteca escolar "Aprendendo a pensar a través das emocións", así como sobre o proxecto de Voz Natura " Espertando ao maio".

     Ademais, a partir deste trimestre os nenos e nenas de tres anos e as súas familias poden comezar a facer uso da nosa biblioteca de LIBRÍN todos os lunes e mércores de 16:00 a 17:00, así como do sistema de empréstitos despois de realizar a formación de novos usuarios, e comezarán tamén a desfrutar das distintas actividades que se promoven desde o Equipo da Biblioteca Escolar, como a mochila viaxeira, entre outras.

    De seguro que será un trimestre cheo de novas aprendizaxes e experiencias que desexamos compartir con todos vós!

     Por agora, deixámosvos unha mostras dos nenos e nenas probando na mesa de luz o que lles deixaron no cole os Reis Magos, todo é desfrutar!


jueves, 21 de diciembre de 2017

DÍA DE NADAL!

   Hoxe no cole San Roque desfrutamos do último día do trimestre cunha xornada divertida e navideña!
   Aquí vos deixamos unha mostra de todas as actividades que realizamos para que vexades o ben que o pasamos!
  Queremos agradecer especialmente á residencia de maiores GERIATROS pola súa colaboración, dispoñibilidade e bo humor para traernos ao auténtico Apalpador ao cole, que ademais estaba de cumpleanos! nada menos que 92! Cantámoslle o cumpleanos feliz e desexámoslle unha boa noite de Nadal repartindo agasallos e castañas...




O cole estaba repleto de postais navideñas feitas polos nenos e nenas e as súas familias, moitas gracias!!




                                   Fixemos o tradicional "intercambio de postais"



                                  Realizamos obradoiros de adornos de Nadal








Recibimos a visita do Apalpador, a quen lle deixamos as nosas cartas cos agasallos que lle pedimos, e ademais contáronnos o conto de "O apalpador e a castaña máxica".



Merendamos todos xuntos postres típicos destas datas que os nenos e nenas trouxeron das súas casas. Moitas gracias a todas as familias por tan deliciosos doces !


Tamén desfrutamos dun contacontos pola IGUALDADE: "mamá e papá Noel, unha noiteboa diferente"


E para rematar, todos os nenos e nenas levaron orgullosísimos os seus traballos deste trimestre, ademais do calendario que realizamos no marco do proxecto integral de Voz Natura "Espertando ao maio",  no que cada clase elaborou a flor e planta sobre as que están a traballar e a investigar.

Esperemos que desfrutedes moito destas festas cos vosos fillos e fillas, xogando, brincando, correndo, sorrindo, e sobre todo, contanto e lendo moitos contos!

Bo Nadal a todos e todas!!!


martes, 19 de diciembre de 2017

GUÍA DE LECTURA DE NADAL

Xa que o Nadal está aquí, LIBRÍN recórdanos que un conto é un agasallo de semente para o futuro. Por iso, aquí vos deixa unhas recomendacións de lectura para que desfrutedes nestas festas da maxia dos contos en familia. Bo Nadal a todos e todas e próspero aninovo!

lunes, 4 de diciembre de 2017

ESTÁ BEN SER DIFERENTES!

    Para celebrar o DÍA INTERNACIONAL DAS PERSOAS CON DISCAPACIDADE, o noso cole participou na elaboración do vídeo-conto "Está ben ser diferentes", xunto cos outros vintenove centros educativos de toda Galicia. Esta actividade foi organizada polo Departamento de Orientación, o Equipo da Biblioteca e o Equipo de Dinamización da Lingua Galega do CEIP de Cervo, e en colaboración coas mestras de pedagoxía terapéutica Mila Castro do CEE María Mariño, e Alba Rodríguez do CEIP Marquesa do Pazo da Mercé (As Neves).
 
    Así, visionando esta curta, recordamos o xenial e importante que é ser diferentes, axudarnos uns aos outros e comprender e valorar as diferencias dos demais, despertando a empatía no alumnado.
 
    En concreto, o cole San Roque puxo o seu graniño de area neste proxecto a través do conto "Está ben levar gafas", o cal podedes ver a continuación.
 
POR UNHA ESCOLA INCLUSIVA, PORQUE ESTÁ BEN SER DIFERENTE!!!!


PROXECTO EQUALITER

     A continuación mostrámosvos o vídeo das actividades que realizamos diversos centros educativos para alzar a nosa voz en contra da violencia de xénero e a favor da IGUALDADE. Esta foi unha  proposta do CEIP Aquilino Iglesias Avariño, a cal titulamos PROXECTO EQUALITER.
 

 
 
 
 
 
 
 
 

viernes, 24 de noviembre de 2017

25 DE NOVEMBRO, DÍA POLA IGUALDADE CONTRA A VIOLENCIA DE XÉNERO.

         Hoxe no cole San Roque celebramos o Día pola Igualdade contra a violencia de xénero. Por este motivo, realizamos ao longo de toda a semana diferentes actividades que podedes ver a continuación: 



Creamos un Recuncho pola Igualdade, con contos coeducativos da nosa biblioteca! Desfrutamos moito coa súa lectura!




Realizamos uns robots con motivo do mes da ciencia na biblioteca, recordando que TOD@S SOMOS PERSOAS, IGUAIS POR DENTRO!



Colaboramos con outros centros creando un mural conxunto, no cal plasmamos as nosas mensaxes de rexeitamento contra a violencia de todo tipo e a favor da igualdade, a través do hashtag #equaliter.


 Finalmente, no día de hoxe visitounos o coro do CEP Lois Tobío que nos ofreceu un fermoso concerto co cal desfrutamos coa súa MÚSICA POLA IGUALDADE.
MOITAS GRACIAS, ENCANTOUNOS!!!!

Desde o Claustro queremos recordar que apostamos pola Educación en Valores como un medio para conseguir implicar aos pequenos e pequenas na creación dun mundo máis xusto para TOD@S.

NON Á VIOLENCIA MACHISTA!!!!

ESCORNABOTS NA BIBLIOTECA ESCOLAR

Queremos darvos unha nova!  Durante este curso, algúns membros do claustro de mestres estanse a formar no proxecto do PLAMBE "Esc...