No DÍA NO LIBRO E DOS DEREITOS DE AUTOR o noso centro encheuse de actividades:
-EXPOSICIÓN DOS COMICS DAS FAMILIAS, os que lian os nosos pais e as nosas nais.
-EXPOSICIÓN DE MARCAPÁXINAS DE COMIC, elaborados en familia.
-CONTACONTOS, a cargo da compañeira Fátima con A CASIÑA DE CHOCOLATE.
Asemade deixamos unhas recomendacións lectoras para todas e todos.
O día 2 de abril celebramos é unha das datas máis marabillosas do curso, e aquí está a nosa biblioteca PRETO DE TI para conmemorar o DÍA INTERNACIONAL DO LIBRO INFANTIL cun conto representado polas mestras, un conto que nos fala da aceptación dun mesmo, da importancia de ser nós mesmos e de aceptar aos demáis coas súas singularidades e particularidades.
Asemade esta é tamén unha data especial é o DÍA MUNDIAL DE CONCIENCIACIÓN DO AUTISMO, este ano co lema AUTISMO PRETO DE TI xa que todos algunha persoa con autismo cerca de nós. Por iso utilizamos o símbolo infinito facendo unha actividade internivelar na que os maiores axudaros aos pequenos a facer estes símbolos para realizar con eles un mural de visibilización e concienciación. Durante toda a semana iremos rematando este mural e visionando curtas que nos axudarán a comprender a esas compañeiras e compañeiros autistas.
Ler cómic dende a biblioteca de Librín ofrece moitas posibilidades, ler imaxes é unha constante en Infantil, por iso este día resulta especial. Así hoxe a visita a biblioteca estivo chea de sorpresas, xa sabiamos cousiñas dos contos cheos de viñetas e bocadillos e agora gozamos de lecturas compartidas de cómic, novos contos na nosa bilioteca. Que tamén estarán dispoñibles para ler en familia e levar prestados.
A volta de vacacións, coa colaboración das familias, o noso cole encherase de lembranzas da nenez das nosas mamás e dos papás e de comic de onte e de hoxe.
Hoxe, mañá e sempre, como dín as Tanxugueiras, polas nais, polas fillas,...polas mulleres todas necesitamos seguir recordando a importancia de traballar por unha sociedade en igualdade de dereitos e oportunidades entre homes e mulleres. Por iso dende a biblioteca seleccionamos contos que se contaron nas aulas, cantamos cancións, fixemos pulseras coa cor revindicativa e o alumnado de 6º representou o conto "ÉRASE DÚAS VECES A RATIÑA FACHENDOSA".
Para completar esta data a vindeira semana teremos con nós a Marisa Irimia
Dende a selección de contos e poemas de Rosalía de Castro que fixo o equipo da biblioteca traballamos nas aulas en torno a dúas importantes celebracións, O DÍA DA LINGUA MATERNA e O DÍA DE ROSALIA.
Polo DÍA INTERNACIONAL DA MULLER E A NENA NA CIENCIA dende a biblioteca, un curso máis, tentamos achegar a curiosidade científica a través do vínculo emocional da nais, así celebramos a II SEMANA DA MULLER E A NENA NA CIENCIA, con tódalas mamás que desexan participar. Veñen ao centro e realizan todo tipo de experimentos, conectando coas nenas e cos nenos realizan experimentos de todo tipo que despertan a curiosidade infinita e o gusto pola ciencia.
Unha actividade que tivo moitísimo éxito o ano pasado e que este vai polo mesmo camiño, unha maneira especial de SEMENTAR FUTURO E TECER COMUNIDADE, e quen sabe moitas científicas no futuro.
Acorde co noso proxecto EMOCIONA-T partindo da biblioteca e dos contos do Monstro de Cores, co apoio da BIBLIOTECA CREATIVA, cos obradoiros de cabezudos e da nosa comunidade educativa realizando parte dos disfraces levamos a cabo un superentroido EMOCIONADO.
No DÍA NO LIBRO E DOS DEREITOS DE AUTOR o noso centro encheuse de actividades: -EXPOSICIÓN DOS COMICS DAS FAMILIAS, os que lian os nosos p...
